Anuncio do 23 de decembro de 2009, da Dirección de Recursos Humanos do Servizo Galego de Saúde, relativo á publicación de puntuacións provisorias e á anulación de preguntas dos exercicios da fase de oposición do proceso selectivo convocado pola resolución da Secretaría Xeral do Servizo Galego de Saúde do 18 de febreiro de 2009 (DOG nº 40, do 26 de febreiro)

A base sexta A) da resolución da Secretaría Xeral do Servizo Galego de Saúde do 18 de febreiro de 2009 (DOG nº 40, do 26 de febreiro) pola que se convoca Concurso-Oposición para o ingreso en determinadas categorías de persoal estatutario do Servizo Galego de Saúde, establece que trala realización dos exercicios de oposición os aspirantes disporán dun prazo de cinco días hábiles para presentar reclamacións ao mesmo.

Se o tribunal, de oficio ou en base ás reclamacións presentadas, anulase algunha ou algunhas das preguntas incluídas nun exercicio anunciarao publicamente xunto coa publicación das puntuacións dos distintos exercicios da fase de oposición, nos taboleiros de anuncios dos servizos centrais e periféricos da Consellería de Sanidade e do Servizo Galego de Saúde e na súa páxina web www.sergas.es.

Á vista das impugnacións presentadas en prazo, cada tribunal confirmou a súa plantilla definitiva de respostas correctas, polo que procede agora darlle publicidade ás listaxes de puntuacións provisorias outorgadas aos aspirantes, facultándose para iso expresamente a este centro directivo, polo que,

ANUNCIA:

Primeiro.- Publicar as puntuacións provisorias dos exercicios da fase oposición acadadas polos aspirantes presentados das categorías de albanel, calefactor/a, carpinteiro/a, celador/a, cociñeiro/a, costureiro/a, electricista, enfermeiro/a especialista en obstetricia-xinecoloxía (matrón/a), enfermeiro/a especialista en saúde mental, enxeneiro/a técnico/a, fisioterapeuta, fontaneiro/a, grupo administrativo da función administrativa, grupo auxiliar da función administrativa, grupo de xestión da función administrativa, grupo técnico da funcion administrativa, lavandeiro/a, logopeda, mecánico/a, pasador/a de ferro, perruqueiro/a, persoal de enfermería (ats/due), persoal de servizos xerais, pinche, técnico/a de xestión de sistemas e t.i., técnico/a en coidados auxiliares de enfermería, técnico/a especialista de sistemas e t.i., técnico/a especialista en anatomía patolóxica e citoloxía, técnico/a especialista en hixiene bucodental, técnico/a especialista en imaxe para o diagnóstico clínico, técnico/a especialista en laboratorio de diagnóstico clínico, técnico/a especialista en radioterapia, técnico/a superior de sistemas e t.i., telefonista, terapeuta ocupacional e traballador/a social, de persoal estatutario do Servizo Galego de Saúde, confirmándose as plantillas de respostas correctas.

A estimación ou desestimación das reclamacións presentadas á plantilla de respostas correctas entenderanse implícitas nesta resolución de publicación.

Segundo.- Contra esta exposición os interesados poderán presentar ante o tribunal reclamación soamente contra erros aritméticos da puntuación obtida, dende o día seguinte ao da súa publicación e ata o 15 de xaneiro de 2010 (inclusive).

Santiago de Compostela, 23 de decembro de 2009.

Asdo.: Esperanza Fernández Lago.

DIRECTORA DE RECURSOS HUMANOS DO SERVIZO GALEGO DE SAÚDE.